Pumalag sa holdap tinodas

LAGUNA, Philippines  – Napatay ang isang 44-anyos na supervisor ng gasolinahan matapos hol­dapin at barilin ng dala­wang ‘di-pa nakikilalang la­laki sa Ca­lamba City, Laguna kamaka­lawa ng hapon.

Kinilala ni P/Supt. Christopher Tambungan, hepe ng Calamba PNP, ang bikti­mang si Frederick Valencia, bisor ng Petron Gas Station sa Ba­rangay Parian, Ca­lamba City.

Ayon sa police report, mag­dedeposito sana si Valencia ng kanilang kolek­syong P149,000 sa sangay ng Metro Bank sa nabang­git na barangay nang ha­rangin ng mga armadong lalaking sakay ng motor­siklo ban­dang alas-3:30 ng hapon.  

Habang nakikipag-aga­wan ng bag na may lamang pera ang biktima sa mga holdaper, binaril ito sa ulo at ideneklarang dead-on-arrival sa Calamba Doctors Hospital.

Mabilis namang naka­takas ang mga holdaper dala ang pera na ngayon ay tinu­tugis pa rin ng pulisya. Arnell Ozaeta at Ed Amoroso