Ina, 2 anak kinatay ni tatay

MANILA, Philippines - Brutal na kamatayan ang sinapit ng isang ina at dalawa nitong anak ma­karaang pag­ sasaksakin ng ama na sina­sabing nawala sa katinuan ng pag-iisip sa loob ng kan­i­lang tahanan sa Gingoog City, Misamis Oriental, ayon sa ulat ka­hapon.

Kinilala ang mga biktima na sina Gemma Uayan, 38; Rayden 11; at si Rujel, 12; pa­wang residente ng Sitio Minlagas, Barangay San Luis.

Samantala, arestado na­man ang suspek na si Rom­mel Uayan.

Sa imbestigasyon ng pulisya, sinabi ni SPO4 Aga­pito Lituanas naganap ang krimen noong Linggo ng gabi (Marso 1) habang na­tutulog ang mag-iina.

Nabatid sa ilang kapit­bahay ng pamilya Uayan na bago maganap ang pama­maslang, nagkaroon ng ma­tinding pag-aaway ang mag-asawa kung saan nagkasi­gawan pa ang mga ito.

Hinagilap ng suspek ang matalim na kutsilyo at pinag­sasaksak ang kani­yang mi­sis saka isinunod ang dala­wa naman nitong nag-iiya­kang anak na na­alimpu­ngatan sa insidente.

Sa pahayag ng mga ka­mag-anak ng pamilya Uayan, nitong nakalipas na mga araw ay kapunapuna ang kaka­ ibang ikinikilos ng suspek na nakakaranas ng problema sa pag-iisip ma­tapos maaksi­dente ilang taon na ang naka­lilipas.

Sakali namang mapatu­nayang may diperensya sa pag-iisip ang suspek ay ami­nado ang pulisya na mahi­hirapang ipursige ang ka­song 3 counts of par­ricide laban sa nasa­bing mister. Joy Cantos