Clan war: 15 todas

MANILA, Philippines - Umaabot na sa 15-ka­tao ang iniulat na napatay mata­ pos sumiklab ang bakbakan ng magkalabang angkan da­hil sa agawan sa lupain sa ba­yan ng Tupi, South Cota­bato, ayon sa ulat kahapon.

Base sa ulat ni Atty. Remegio Roxas, director ng Philippine National Red Cross-South Cotabato, si­yam katao na ang nasawi kamakalawa ng gabi ma­tapos na gumanti ang ka­tutubo ng isang tribo sa ka­labang grupo. 

Sa tala ng pulisya, na­unang napatay ang anim na sibilyan matapos mag­sa­gupa ang magkalabang tribo sa Sitio Landayaw, Brgy. Cebuano, sa bayan ng Tupi.

Umaabot naman sa 38-pamilya ang kumpir­ma­dong nagsilikas para ‘di-madamay sa banggaan ng tribong B’laan at grupo ng mga Kris­tiyano.

Kinilala naman ng pu­lisya ang mga suspek na sina Danny Boy Hulom, Tata Quarte, Jomarie Lag­kaw at si Lucky Boy Lag­kaw na nag-umpisang maghasik ng kara­hasan sa nabanggit na lugar. 

Kinumpirma naman ni P/Senior Supt. Robert Kui­ni­san na gumanti ang gru­po na naagrabyado noong Bi­yer­nes kung saan ‘di-nabatid ang bilang ng nasawi.

Nagsagawa na ng ma­lawakang dragnet operation ang pangkat ng pulis-Tupi at sundalo ng 27th Infantry Battalion ng Philippine Army upang madakip ang mga suspek na nagha­hasik ng la­gim sa nabang­git na bayan. Danilo Garcia