Guro kinasuhan sa pananakit

BATANGAS CITY, Philippines – Nasa balag ng alanganin ang isang elementary school science teacher matapos ireklamo ng mga magulang ng kanyang es­tudyante na sinasabing sinak­tan noong Lunes ng Enero 12 sa Batangas City, Batangas.

Sinampahan ng kauku­lang kaso ang suspek na si Segun­da Yolanda Cullar ng Barangay Cuta Journal, Ba­tangas City at substitute teacher ng Batangas City South Elementary School.

Inireklamo si Cullar mata­pos hampasin niya ng mati­gas na libro ang kan­yang es­tud­yanteng si John Daniel Ibon, kung saan nahuling tu­matawa ang bata habang na­kapila ang mga ito papalabas ng ka­nilang klasrum.

Base sa medical certificate na ipinalabas ni Dr. Oscar Perez, nagtamo si Ibon ng traumatic injuries sa kanyang kaliwang tenga at makaram­dam ng pag-ugong dahil sa pamamaga sa labas, kanal at gitnang bahagi ng tenga.

“Posibleng nagkaroon ng psychological effect sa bata ang pangyayari kaya kinaka­ila­ngan itong suma­ilalim sa theraphy,” dagdag pa ni Dr. Perez

 “Nahihiya na po akong pu­ma­sok kasi napahiya po ako sa mga kaklase ko,” pahayag ng biktima

Samantala, nagkasun­do ang dalawang partido na ipa­ga­gamot na lamang ni Cullar ang bata, subalit hindi natu­pad ang kanilang pinagkasun­duan na nag­bun­sod para itu­loy ang demanda ng pa­milya Ibon laban kay Cullar.

Sinikap namang kunin ng PSN ang pahayag ni Cullar su­ balit hindi ito makontak sa kan­yang cellphone. Arnell Ozaeta