Tiyahin todas sa pamangkin

NUEVA ECIJA, Philippines – Isang elementary school principal ang iniulat na napas­lang ma­karaang mabaril ng kanyang pamangkin na tangkang pagpakamatay sa loob ng kanilang ta­ha­nan sa Ba­rangay Balba­lungao sa bayan ng Lu­pao, Nueva Ecija noong Martes ng hapon.

Sa police report na na­karating kay P/Senior Supt. Ricardo Marquez, nakilala ang biktima na si Erlinda Mabunga, 59, ng Balba­lungao Elementary School.

Nakilala naman ang suspek na si Lloyd Jara­milla, 26, na ngayon ay nasa kri­tikal na kalagayan sa Heart of Jesus Hospital na nagbaril din sa dib­dib matapos na mabaril ang kanyang tiyahin.

Sa imbestigasyon ng pulisya, lumitaw na nagpa­pahinga ang biktima nang makarinig ito ng putok ng baril mula sa bahay ng kan­yang pamangkin.

Kaagad naman tinungo ng biktima ang pamangkin at namataang may hawak na baril.

Sa puntong iyon ay agad na sinunggaban ng biktima ang baril subalit sa hindi inaasahan ay aksi­denteng naiputok ng pa­mangkin at tinamaan sa leeg ang kan­yang tiyahin.

Isinugod naman sa San Jose City District Hospital ang biktima subalit idi­nek­la­rang patay. Christian Ryan Sta. Ana