Akusadong maralita 'di-na magpipiyansa

SAN JOSE  CITY, Nue-va Ecija – Inaprubahan na ng lower house sa ikatlo at final na pagbasa ang pa­nukalang batas na ang mga maralita na kinasuhan ay hindi na kinakailangang magpiyansa sa korte.

Ito ang nilalaman ng House Bill No.5523 na isi­nulong ni Rep. Joseph Gilbert Violago ng 2nd district ng Nueva Ecija.

Nakasaad sa panuka­lang batas na kung ang kinasuhan ay nasa below poverty line at hindi nito kakayanin na magbayad ng piyansa ay automa­tikong ikokonsidera ng korte na siya ay makalaya.

Kikilalanin din ang na­turang panukala bilang Poor Litigants Equalization Act of 2008 na siyang mag-e-exempt sa mga mahihi­rap na magbayad ng pi­yansa kung ang kaso ay mayroong kaparusahang pagkakulong nang hindi hihigit sa anim na taon.

Pansamatalang maka­ka­laya lamang ang aku­sado na walang pagbaba­yad ng piyansa, subalit kinakailangan sumunod ito sa ipapataw na kondisyon ng korte. (Christian Ryan Sta. Ana)