Mayor, 3 pa, todas sa ambush

Napaslang ang mayor ng Albarkah, Basilan at dalawa ni­tong security escorts ha­bang apat pa ang nasugatan makaraang tambangan ng hindi pa nakilalang mga armadong salarin sa Tipu-Tipo ng lalawigang ito kaha­pon ng hapon.    

Sa isang phone interview, kinilala ni Lt. Col. Vincent Leo­nard Teodoro, commander ng Marine Battalion Landing Team 7, ang nasawing opisyal na si Mayor Jakilan Karam. Nasawi rin sa insidente ang driver at dalawang security escort ni Karam habang sugatan namang isinugod sa pagamutan ang apat pang kasama ni Karam kabilang ang kaniyang bodyguards.   

Ayon kay Teodoro, na­ganap ang pananam­bang sa bisinidad ng Brgy. Ba­nu­nodagao, Tipo-Tipo ban­dang alas-4:15 ng hapon ni­tong Huwebes. (Joy Cantos)