Jeepney vs bike: 3 patay

ANTIPOLO CITY, Rizal – Tatlo-katao ang iniulat nasawi ma­­ka­raang sumalpok ang sinasakyan nilang motorsiklo sa kasalubong na pampasaherong jeepney sa kahabaan ng zigzag road sa Barangay San Luis, Antipolo City, kama­kalawa. Namatay habang ginagamot sa Unciano Medical Hospital sina Ricardo Tabagao, 31; Arlene Perez, 27; at Carlos Tinampa, 30. Kinasuhan naman ng pulisya ang dray­ber ng jeepney na si Christian Castro, 33, ng Azucena St., Brgy. Tayuman, Binangonan, Rizal. Lumalabas sa im­bestigasyon na nagpa-ekis ekis ang motorsiklo (TO 4633) ng mga biktimang magkakaangkas mula sa dinaluhang birthday party nang makasalubong at sumalpok sa pampasa­herong jeepney. Edwin Balasa