Cholera outbreak: 2 bata dedo, 86 na-ospital

Dalawang bata ang iniulat na natigok habang umaabot naman sa 86-katao ang na-ospital maka­raang manalasa ang sakit na cholera sa Sitio Visoria, Barangay Manlilinao sa Ormoc City, Samar, ayon sa ulat kahapon.

Base sa report na ti­nanggap ng Office of Civil Defense (OCD), ang dala­wa na may edad 6 hang­gang 9-anyos ay dumanas ng grabeng pagdudumi, pagsusuka at pagkahilo na dulot ng inpeksyon sa small intestine sanhi ng bacterium Vibrio cholerae.

Sa inisyal na pagsusuri ni Tacloban City Dr. Nelita Navales, lumilitaw na kon­taminadong tubig na sina­salok sa bukal ang sanhi ng pagkakasakit ng mga bik­tima.

Isa rin sa pagkalat ng nasabing bacteria ay ang mga naglipanang langaw na may dalang mikrobyo bago dumadapo sa mga pagkain at walang malinis na palikuran.

Sa kasalukuyan ay kon­trolado na ang mga health officials ang epidemya na nagsimula pa noong naka­lipas na linggo.

Samantala, nagbigay na rin ng kaukulang tulong ang lokal na pamahalaan para sa mga residenteng nagkasakit. (Joy Cantos)