Lover ni misis pinugutan

RIZAL – Pinagtataga at pinugutan pa ang isang mister na sinasabing may relasyon sa misis ng kan­yang kapitbahay na lalaki kamakalawa ng gabi sa Barangay San Jose sa ba­yan ng Baras, Rizal.

Kinilala ni P/Senior Supt. Ireneo Dordas, Rizal police director, ang biktima na si Benie Carlo Buella, 48, ng Sitio Tingting sa na­banggit na barangay.

Sumuko naman sa him­pilan ng pulisya ang sus­pek na si Malvar Relloma, 42, may asawa at kapit­ba­hay ni Buella.

Base sa ulat ng pulisya, naganap ang krimen da­kong alas-7 ng gabi ha­bang nanonood ng telebis­yon ang biktima sa loob ng kanilang tahanan.

Napag-alamang wina­sak ng suspek ang pintuan saka tinagpas ang ulo ng biktima na nakaupo la­mang sa sala.

Sa inisyal na imbesti­gasyon ng pulisya, luma­labas na nagawang pas­langin ng suspek ang bik­tima dahil sa kumakalat na balitang may namumuong relasyon ang kanyang mi­sis at ang biktima.

Hindi naman pinagsi­sihan ng suspek ang na­gawang krimen dahil gi­nantihan lamang niya ang panloloko sa kanya ng bik­tima, ayon sa salaysay sa pulisya. (Edwin Balasa)