Tubuhan ni mayor sinunog

Sinunog ng mga pi­nag­hihinalaang mga re­beldeng New People’s Army ang plantasyon ng tubo ng al­kalde ng Ca­latrava, Negros Occidental kamakalawa.

Batay sa report ng Police Regional Office, da­kong alas-7:45 ng umaga nang salakayin ng mga armadong kalalakihan ang malawak na taniman ng tubo na pag-aari ni Mayor Valmayor Herma­nos sa Sitio Danicop, Ba­rangay San Isidro, Calatrava ng nasabing lalawigan.

Wala namang nagawa ang mga trabahador dito matapos na tutukan ng baril ng mga armadong rebelde.

Agad na sinilaban ng mga rebelde ang plan­tasyon ng alkalde bago mabilis na nagsitakas pa­tungo sa direk­syon ng kabundukan.

Pinaniniwalaan namang pangingikil ng revolutionary tax ang motibo ng mga re­belde sa inilunsad ng mga itong pag-atake. (Joy Cantos)