5 sundalo utas sa landmine

Limang sundalo ng Phil. Army ang iniulat na nasawi habang apat iba pa ang na­sugatan makaraang suma­bog ang landmine na itinanim ng mga rebeldeng New People’s Army sa bisinidad ng Sitio Bantolinao, Barangay Gana­yon sa bayan ng Lianga, Suri­gao del Sur noong Martes ng hapon.

Kabilang sa mga namatay ay sina M/Sgt. Rolly Banag, T/Sgt. Juanito Tela, Sgt. Ruel Ortero, Cpl. Amil Julmadi at si Pfc Piong Jalain.

Nasa Lianga District Hospital naman ang mga suga­tang sina S/Sgt. Danilo Ma­mo­cay, Corporal Haliddin Habibun, Sgt. Mamucay at si Cafgu Simbahon.

Sa ulat na tinanggap ka­hapon ni Army Chief Lt. Gen. Victor Ibrado, ang mga bik­tima ay kabilang sa pang­kat ng Army Personnel Management Center sa pamu­muno ni Captain Allan Espela na nakabase sa Fort Boni­facio, Taguig City.

Napag-alamang bumi­bi­sita sa mga Army cap ang mga bik­ ti­mang lulan ng trak patungo sana sa kampo ng 401st Infantry Brigade ng Army’s 4th Infantry Division nang maganap ang pag­sabog.

Natangay ng mga rebelde ang limang malalakas na kalibre ng baril, mga bala, lap­top, cellular phones at mga personal na kagamitan ng mga sundalo. (Joy Cantos)