Bus vs kotse: 3 patay

BAGUIO CITY — Kina­rit ni kamatayan ang tatlo-katao kabilang ang tatlong taong gulang na lalaki habang dalawang iba pa ang malubhang nasugatan makaraang magbanggaan ang pampasaherong bus at kotse sa kahabaan ng high­way sa bayan ng Santa, Ilocos Sur noong Sabado ng madaling-araw.

Kabilang sa mga nasawi ay sina Mark John Cue, 28; Ramon Gabriel Battad, 3; at si Susan Laurente Llanes, 31; pawang resi­dente ng Vigan City, sa­man­talang ginagamot naman sa St. James Hospital sina Dr. Glenn Battad, 46; at Feli­cisima Battad, 77.

Base sa report ni P/Senior Supt. Virgilio Fabros, Ilocos Sur police director, na­ganap ang trahedya dakong alas-4:30 ng ma­daling-araw sa highway ng Barangay Namalangan kung saan pa-southbound ang Toyota Vios ni Cue nang sakupin nito ang kabilang linya ng highway kaya sumalpok sa kasalu­bong na Partas bus (AVN 498) na minamaneho ni Rey Aldeza.

Ayon pa kay Frabros, tinangkang iwasan ng pam­pasaherong bus ang kotse subalit mahagip din sa tagiliran.

May posibilidad na inan­tok ang drayber ng kotse dahil sa kahabaan ng na­sa­bing highway kaya na­ga­nap ang trahedya. Artemio Dumlao at Joy Cantos