Misis naabo sa sunog

Nilamon ng apoy ang isang 26-anyos na misis makaraang makulong sa nasusunog na tatlong ka­bahayan sa Purok 5, Ba­rangay Libertad sa bayan ng Isabel, Leyte kahapon ng umaga.

Kinilala ni SFO1 Cos­melito Tante, acting chief ng Bu­reau of Fire Protection sa Isabel, ang bikti­mang si Mildred Dela Flor y Trasmonte.

Sa imbestigasyon ni SFO1 Catalino Polangcos, nagsimula ang apoy sa ground floor ng bahay ni Rene Tras­monte kung saan nagtalunan sa bin­tana ang mga residente para maka­ligtas sa tiyak na panganib.

Base sa salaysay ng mga residente kay Polang­cos, nakalabas na ng ka­nilang bahay ang biktima nang bumalik uli sa hindi nabatid na dahilan kaya na-trap sa naglalagablab na kabahayan.

Natagpuan ang sunog na katawan ng biktima sa isang kuwarto sa ground floor kung saan nadamay ang dalawang bahay na pag-aari nina Alberto Chua, at Victor Gucela. Naapula naman ang sunog bandang alas-6:45 ng umaga mata­pos rumesponde ang mga bombero mula sa Phil­phos, Merida, Palompon at PASAR. Pina­ni­ni­walaang faulty electrical wiring ang isa sa dahilan ng sunog. Roberto C. Dejon