Maid todas sa 'cocktail drug'

CAVITE – Kasaluku­yang iniimbestigahan ng pulisya ang pagpa­pati­wa­kal ng isang 18-anyos na katulong sa pamamagitan ng pag-inom ng sari-saring gamot sa loob ng kanyang kuwarto sa ba­hay ng kan­yang amo sa Imus sa lala­wigang ito kahapon.

Patay na nang maisu­god sa Our Lady of Pillars hospital ang biktimang si Jenalyn Cabigan, dalaga at stay-in housemaid sa Legion Subdivision, B-10 L-13 Barangay Bu­candala 3 sa Imus.

Sa imbestigasyon ni PO2 Jessie Avila, dakong alas-10:30 ng umaga nang isugod ni Ernesto Soriano Sama­niaga, amo ni Cabi­gan, ang biktima matapos na makitang bumubula ang bibig nito.

Napag-alaman ng pu­lisya na uminom umano ng iba’t ibang klase ng gamot ang bik­tima tulad ng dala­wang pi­ra­song sodium, apat na me­fenamic acid at 10 pirasong ferrous sulfate ang dalaga.

Huling nakitang buhay ang biktima na malungkot, hindi umano nagkikikibo at parang walang kasigla-sigla.

Matapos maglinis ng ba­ hay ay pumasok na sa loob ng kanyang quarter si Ca­bi­gan at dito na siya nabu­nga­ran ng tawagin ng ka­sam­bahay na naghihi­ngalo dahil sa dami ng ini­nom na gamot.

 Iniimbestigahan pa ang nasabing insidente ng mga awtoridad upang matukoy ang motibo ng pagpapati­wa­kal ng biktima at ina­alam din kung may foul play sa gina­wang pagpapa­ka­matay nito.