Isang 37-anyos na pastor ng Adventist Church ang iniulat na napaslang sa bisinidad ng Barangay Concepcion sa bayan ng Del Pilar, Ilocos Sur noong Biyernes ng gabi. Ang biktima na sinasabing nasuspinde bilang principal sa Concepcion Adventist Academy dahil sa ‘di-pag-liquidate ng pondo ng eskuwelahan ay nakilalang si Dickson Uggay. Sa ulat ng provincial police director na si P/Senior Supt. Virgilio Fabros, pinagbabaril ang biktima ng ‘di-pa kilalang lalaki. Maliban sa kaso sa eskuwelahan, ang biktima ay sinasabing may nakaaway kaugnay ng lupain ibinebenta nito. (Joy Cantos)