Koreano talo sa casino, nagbigti

ANGELES CITY, Pam­pan­ga — Pinaniniwalaang   pag­­katalo sa casino kaya nag­bigti ang isang Korea­no sa loob ng inuupahan nitong kuwarto sa Fontana Leisure Park, Clark Free­port sa Angeles City, Pam­panga, ayon sa ulat ka­hapon.

Kinilala ni P/Senior Supt. Pierre Bucsit, officer-in-charge ng Angeles City PNP, ang biktima na si Kim Byung Ki.

Ayon kay Bucsit, ang pagpapatiwakal ng biktima ay nadiskubre ni Benedicto Luna, stay-in-cook sa loob ng Villa # 4609 sa nasabing lugar.

Sa ulat ng pulisya, ang bik­tima na mula sa Seoul, Korea ay dumating sa ban­sa ka­sama ang misis nito may tatlong linggo na ang na­ka­kalipas. 

Napag-alamang bu­ma­lik na sa Korea ang mi­sis ng biktima may ilang araw na ang nakalipas.

Lumitaw sa pagsisiyasat ng pulisya, simula nang du­mating sa bansa si Kim ay palagi itong nagsusugal sa Fontana Casino.

Isang nagngangalang Michael Ong, casino financier ang nagsabi na si Kim ay nangutang ng P2.1 mil­yon kung saan natalo sa su­gal at problema nito kung paano baba­yaran.

Ipinaliwanag naman ni Ong na darating ang asawa ng biktima para bayaran ang pagkakautang nito. Ric Sap­nu at Joy Cantos