Nursing student tinodas ng rapist

Brutal ang sinapit ng isang nursing student mata­pos itong gahasain at pas­langin ng hindi pa nakilalang mga sa­­larin na hinihinalang ba­ngag sa droga sa lungsod ng Baguio, ayon sa ulat kaha­pon.

Positibong kinilala kaha­pon ng umaga ng kaniyang amang si Calito Baronable sa pune­rar­ya ang biktimang si Chezca Ba­ronable, 17 anyos. Batay sa re­port ng Baguio City Police, ang bang­kay ng biktima ay na­tag­puan dakong alas-8:00 ng umaga kahapon sa ma­da­mong bahagi ng Ba­rangay Balacbac ng lungsod na ito.

Nabatid na nitong Biyer­nes ay nagpaalam pa ang bik­tima sa kaniyang ama para sa kani­yang eksami­nasyon sa pinapa­sukang unibersidad sa lungsod kaya maaga itong umalis sa kanilang tahanan.

Labis umanong nag-alala ang mga magulang ng bik­ti­ma matapos na mabigo itong umu­wi ng kanilang ta­hanan sa buong magdamag kaya hina­nap nila ang da­laga.

Ang nasabing paghaha­nap at labis na pag-aalala ay naging masaklap na bangu­ngot mata­pos na human­tong ang pamilya ng biktima sa pu­nerarya at bangkay na itong matagpuan.

Batay sa report ni P/ Supt. Jaime Rodrigo Lial, medico legal officer ng Police Regional Office-Cordillera Crime La­boratory, ang bik­tima ay po­siti­­bong gina­hasa at nag­tamo pa ng mga pasa sa ulo at ibang ba­hagi ng kanyang ka­tawan na in­dikasyon isa hanggang tatlo ang salarin na wala sa sari­ling katinuan o posibleng mga adik ang may kagaga­wan.

Sinabi ni Lial na ang san­hi ng pagkamatay ng biktima ay posibleng tinakpan ng mga salarin ang kanyang ilong at bu­nganga kaya hindi na ito naka­hinga saka halin­hinan itong ginahasa. (Joy Cantos)