50 MILF todas sa sagupaan

Umaabot sa 50 mi­yembro ng Moro Islamic Liberation Front rene­ gades ang napas­lang sa patuloy na open­siba ng tropa ng militar sa Sa­rangani, ayon sa opisyal kaha­pon.

Ayon kay Col. Rai­nier Cruz, commander ng 1002nd Brigade ng Philippine Army na, tinata­yang nasa 50 re­belde ang napatay sa pakikipag-eng­ku­wentro sa tropa ng mi­litar um­pisa noong Agos­to.

Sa panig ng militar, naitala naman sa isa ka­tao ang napaslang ha­bang lima naman ang na­sugatan, ayon pa sa opis­yal.

Gayunman, karami­han sa bilang ng mga na­paslang na MILF rebels ay base sa intelligence report ng mga sibilyan at sa nasagap na radio communications ng militar mula sa mga kalaban.

Sinabi ni Cruz na isa namang malaking da­gok sa 107th MILF Base Com­­mand ang pagsuko sa batas ng Deputy Commander nito na si Rico Wata­mama at tauhan nitong si Naser Bancil noong Martes.

Nadakip naman ng militar ang pitong mi­yembro ng Moro National Liberation Front renegades kabilang ang isang nag-AWOL na sun­dalo matapos silang ma­harang sa isang checkpoint sa Barangay Tam­bili, Kam­­bili, Sa­rangani ka­makalawa.

Kinilala ni Armed Forces of the Philippines-Eastern Minda­nao Command Spokes­man Major Armand Rico ang dating sundalo na si ex- Private First Class Primitivo Aabo-Abo, dating miyem­bro ng 64th Infantry Battalion na nag-AWOL (Absence Without Official Leave).

Ang iba pa ay sina Henry Manintes, Hus­sien Pada, Dimala Mo­ham­mad, Montasir An­tal Ta­balao, Johnrey Di­malo, Jonathan Mar­cos.

Isang sundalo rin ang nasugatan mata­pos na muli na namang maglun­sad ng paniba­gong pag-atake ang mga miyembro ng MILF sa Datu Saudi Ampa­tuan, Maguinda­nao ka­makalawa ng gabi.

Kinilala ni Rico ang su­gatan na si Army Staff Sgt. Josefino San­tillar na ma­bilis na isinugod sa pa­ga­mu­tan.

Ayon kay Rico, da­kong alas-9:20 ng gabi nang paulanan ng bala ng 40 rebelde ang Pagatin II Detachment ng tropa ng gob­yerno sa Brgy. Paga­tin sa Datu Saudi Ampa­tuan. (Joy Cantos)