Negosyante at 'kristo' niratrat sa sabungan

Lipa City – Dala­wang katao kabilang na ang kilalang negos­yante ang napatay sa­mantalang sugatan na­man ang isa pa nang pagbabarilin sila ng hindi pa nakikilalang salarin sa loob mismo ng isang sabungan sa lungsod na ito kama­kalawa ng gabi.

Kinilala ni Superintendent Francisco Ro­dri­guez, hepe ng Lipa City Police, ang mga bik­timang napatay na sina Menandro “Buddy” Briones, 41, residente ng Barangay Bulakla­kan, Lipa City, may-ari ng towing and transport services; at Francisco Llaga, 58, “kristo”, resi­dente ng Barangay Bol­bok sa lunsod na ito.

Sugatan naman ang isa pang “kristo” na si Adolfo Agustin, 46, residente ng Ba­rangay Bolo, Bauan, Batangas matapos ta­maan ng ligaw na bala sa kaliwang braso.

Ayon sa report, na­kaupo sa harap ng en­tablado ang mga bik­tima sa Lipa Games Cockpit Arena na sa­kop ng Barangay Ba­lintawak nang lapitan ng dalawang suspek at pagbabarilin nang ma­lapitan bandang alas-9:10 ng gabi.

Sinabi ng ilang sa­bungero na naganap ang insidente habang isinasagawa ang 9-Stag “Bakbakan International Elimination” Derby na pinangungu­nahan ng Batangas Breeders Club at dina­daluhan ng mga kila­lang negosyante, puli­tiko, government officials at high ranking police officials. (Arnell Ozaeta)