5 aktibistang humiya kay GMA inaresto

Limang miyembro ng militanteng grupong Ba­gong Alyansang Maka­ba­yan ang inaresto ng mga elemento ng pulisya at Pre­sidential Security Group matapos mag-rally habang nagtatalumpati si Pangu­long Gloria Macapagal Arroyo sa Bacolod City, Ne­gros Occidental, ayon sa opisyal kahapon.

Kinumpirma ni Bacolod City Police Director Sr. Supt. Ronilo Quebrar ang pagkakaaresto sa aniya’y walang modong limang militante na ipinahiya ang Negros Occidental kay Pangulong Arroyo.

Ayon kay Quebrar, si­nampahan na nila ng ka­song inciting to sedition, resisting arrest, alarm and scandal at illegal assembly ang mga inarestong sina Herminigildo Padilla, Ever­lito Algona, Bonifacio Al­guna, Noel Espares Jr. at Gerardo Battalla, pa­wang residente ng La Car­lota City, Negros Occidental.

Bandang alas–10:00 ng umaga nitong Miyerkules habang nagtatalumpati si Pangulong Arroyo sa opening ceremony ng Maskara Festival sa Bacolod City Plaza nang biglang mang­gulo ang mga raliyista at ibandera ang kanilang mga placards.