Misis, lover naaktuhan ng mister

Dahil sa pakikialam sa asawa ng iba, kalaboso ang binagsakan ng isang 28-anyos na traysikel drayber na kinasuhan ng panganga­ lunya ng isang negosyante maka­raang arestuhin ng mga ope­ra­tiba ng Special Action Tracking Team at Criminal Investigation and Detection Group sa bisini­dad ng Ba­rangay Nibaliw, Ma­ngal­dan, Pangasinan.

Sa bisa ng warrant of arrest na may petsang Agosto 8 na  inisyu ni Judge Bernar­dita J. San­tos ng  Manila Me­tropolitan Trial Court Branch 22, arestado ang sus­pek na si Jaime Barrozo ng nabang­git na barangay at pansa­mantalang nanini­ra­han sa  #1112 Laguna St., Extn. Mo­lave, Tondo Manila.

Samantala, pinagha­ha­nap naman ng pulisya sa pamu­muno ni SP2 Pacifico Padua, ang  kalaguyo ni­tong si Yo­landa Magnaye.

Bukod sa kasong concubinage  at adultery, na­haha­rap din sa kasong robbery ang mga suspek na isinampa sa korte ni Jessie Magnaye, 50, mister ni Yolanda Mag­naye.

Ayon sa pahayag ni Jes­sie, nagsilbing service tricycle driver nila si Bar­rozo subalit hindi niya aka­lain, na pinaki­alaman nito ang kan­yang mi­sis na si Yolanda.

Lumilitaw sa inisyal na imbestigasyon, nakatang­gap ng impormasyon si Jessie mula sa ilang ka­pit­bahay na magkalaguyo na ang dala­wa, kung ka­ya’t nag­man­man ito. Dito na na­tuklasan ni Jessie na puma­sok ng hotel ang mag­kala­guyo noong Mar­so 28 ng mada­ling-araw saka lu­ma­bas sakay ng kotse (UPP421).

Ayon sa ulat, binalak na maghiganti ni Jessie laban sa magkalaguyo subalit nanahi­ mik lamang para hindi madu­ngisan ng dugo ang kanyang mga kamay at minabuting mag­sampa ng kaukulang kaso. (Lordeth Bonilla)