14-anyos ni-rape slay

Brutal na kamatayan ang sinapit ng isang 14-anyos na babaeng estud­yante kung saan ginahasa muna saka binasag ang bao ng ulo ng isang lalaki na pinaniniwalaang lango sa droga sa bisinidad ng Barangay Bogabongan sa bayan ng Leon Postigo, Zamboanga del Norte, ayon sa ulat kahapon.

Sa naantalang ulat ng Zamboanga del Norte  Provincial Police Office, ang biktima na itinago sa pa­ngalang Gretchen ay na­tagpuang walang saplot  matapos abandonahin ang bangkay nito malapit sa sapa sa nabanggit na ba­rangay dakong alas-5 ng umaga may dalawang araw  na ang nakalipas.

Sa follow-up operations ng pulisya, arestado na­man ang suspek na si Ryan Yanes, 21, ng Brgy. Hinaplon, Iligan City ma­tapos ituro ng ilang testigo na siyang huling nama­taang kasama ng biktima patungo sa lugar kung saan ito hinalay.

Bago ang krimen, nag­pa­alam ang biktima sa kani­yang kapatid na lalaki na ma­mumulot ng scrap materials na kaniyang ibe­benta para may pambili ng kaga­mitan sa eskuwela­han.

Ang hubo’t hubad na bang­kay ng biktima ay natag­ puang tadtad ng mga pasa at sugat sa katawan maliban pa sa pukpok sa ulo nito.

Sa isinagawang ocular investigation, narekober ng pulisya ang isang malaking tipak ng bato na posibleng ipinukpok ng suspek sa ulo ng biktima.