2 Turkish tiklo sa pagnanakaw

BATAAN – Dalawang banyagang kalalakihan ang bumagsak sa kulungan makaraang masakote sa kasong pagnanakaw sa isang supermarket sa Barangay Poblacion, Balanga City, Bataan kamakalawa ng gabi.

Pormal na kinasuhan ang dalawang suspek na mula sa bansang  Turkey na sina Turgut Kaya at Yusuf Cavuso­gullari, kapwa naka-check-in sa sa Copacobana Apartelle sa Pasay City.

Sa ulat ni P/Senior Supt. Manuel Gaerlan, Bataan police director, ang dalawa ay naaktuhan ng security guard na ibinulsa ang malaking halaga mula sa drawer ng cashier ng  supermarket.

Posibleng ginamitan ng hipnotismo ang kahera kaya hindi nito napuna pagnanakaw ng dalawa. (Jonie Capalaran)