Mag-iina minasaker

Lima katao kabilang ang apat na miyembro ng isang pamilya ang nasawi nang pagtatagain sila ng isang la­lakeng hinihinalang may diperensya sa isip sa  Ati­mo­nan, Quezon kamaka­lawa ng gabi.

Kinilala ang mga biktima na pawang tadtad ng mga taga sa katawan na sina Elizabeth dela Torre, 27 anyos; mga anak nitong sina Eliza, 3 anyos; Arvin, 5, at Aiselyn Nicole, 4 bu­wang gulang na sanggol; at ang kapitbahay ng pamilya na si Rosemarie San Juan, 12 taong gulang.

 Nadakip naman ng mga awtoridad kinalaunan ang suspek na si Mario Banal.

Dakong alas-10:00 ng gabi nang maganap ang karumaldumal na krimen sa masukal na bahagi ng  Barangay Malusak sa Ati­monan.

 Ayon sa imbestigasyon ng pulisya, pauwi na ang mga biktima galing sa isang peryahan nang ha­rangin ni Banal na armado ng  matalim na itak.

Bigla na lamang uma­nong nanlisik ang mga mata  ni Banal bago su­nud-sunod na hinataw ng taga ang mga biktima sa kabila ng pag-iiyakan ng mga ito.

Hanggang sa kasalu­kuyan, patuloy na inaalam ng mga imbestigador ang mo­tibo ni Banal sa pag­masaker sa mga biktima.

Gayunman, hindi maka­usap nang maayos ang suspek  dahil sa paiba-iba nitong sagot sa mga kata­nungan na sinabing hindi niya rin batid kung bakit pinaslang niya ang mga biktima.