Montalban Methane magbubukas

Sinabi ni Rizal Provincial Governor Casimiro Ynares III kamakailan na ang ina­gurasyon ng 2-megawatts na planta ng Montalban Methane Power Corporation ay magbubukas ayon sa itinakdang panahon sa ika-24 ng Hulyo at wala siyang nakikitang aberya sa pag­sisimula ng operasyon nito.

Ang Pamahalaang Pan­lalawigan ng Rizal ay puma­sok sa isang kasunduan kasama ang Pamahalaang Bayan ng Rodriguez, Rizal at International SWIMS, Inc., isang pribadong kumpanya na nagmamay-ari ng sara­dong 14 ektaryang  dump­site.  Sinabi rin ni Ynares na, ayon sa presidente ng MMPC na si Peregrino  Fer­nandez Jr., ang planta ay kokolekta ng methane gas mula sa 19 ektaryang landfill upang magsilbing gaso­lina sa makina at makapag- generate ng kuryente na aabot sa 15 megawatts. Sinabi ni Ynares na kaila­ngan munang pag-aralang mabuti ng Pamahalaang Panlalawigan ng Rizal ang sulat ni Fernandez na hu­muhiling na magamit ang 19-hectare landfill ng pro­binsya.