BUTUAN CITY – Brutal na kamatayan ang sinapit ng isang 14-anyos na hayskul student matapos pagtulungang halayin ng mga adik sa bawal na gamot ay itinapon pa sa kahabaan ng Diversion Road sa Barangay Ochoa sa Butuan City kahapon.
Ang biktimang si Geraldine Palaw ng San Isidro High School sa Barangay Oro ay nagtamo ng dalawamput pitong saksak ng patalim sa iba’t ibang bahagi ng katawan.
Pinaghahanap naman ng mga awtoridad ang isang tinedyer na nakasaksi sa krimen upang makilala ang mga suspek na may mga tattoo at miyembro ng kilabot na fraternity sa Butuan City.
Napag-alamang natakot lumutang ang saksi dahil kilala nito ang apat na suspek na may edad 14 hanggang 17-anyos na aktibong nagrerekrut ng mga kabataan para maging miyembro ng fraternity.
Ito ang ikatlong kaso ng rape slay sa nabanggit na lungsod simula noong 2006 kung saan ang isa sa biktima ay pinagtulungang halayin bago pinatay ng mga adik sa droga na pinaniniwalaang mula sa prominenteng pamilya.
Nanatiling hindi pa nareresolba ang kaso na naging kontrobersyal dahil ang biktima ay beauty titlist na nagtamo naman ng 19 na saksak sa katawan. Ben Serrano