Misis, ka-textmate naaktuhan

Rehas na bakal ang binagsakan ng isang misis at lover nito ma­tapos maaktu­han ng mister ng una na nag­tatalik sa mismong kama nilang mag-asa­wa sa Purok 3-A, Ba­rangay Canocotan, Tagum City, Davao del Norte kamakalawa.

Lumuluhang dumu­log sa himpilan ng pu­lisya sa Tagum City ang mister na itinago sa pangalang Jorge para ireklamo at ipi­naaresto ang kaniyang misis na itinago sa pangalang Anna ga­yundin ang ka-text­mate na naging lover nito na isang nag­ngalang Noel Moloro ng Malagamot, Pana­can Distrcit, Davao City.

Sa inisyal na pag­sisiyasat ng pulisya, nabuo ang illicit affair ng dalawa dahil sa text na libangan ng nasa­bing misis.

Dumayo pa sa Ta­gum City si Moloro upang makipagkita sa ka-textmate at dahil wala ang mister ng ginang ay sinamantala ng dalawa ang pag­kakataon upang mag­talik sa silid nilang mag-asawa.

Gayon pa man, sa hindi inaasahang pag­kakataon ay biglang umuwi ang nasabing mister upang sorpre­sahin sana ang asawa subalit nagulantang sa kaniyang natuklasang pagtataksil ng sariling misis.