Quezon ambush: Brodkaster dedo

QUEZON – Isa na namang mamamaha­yag ang iniulat na na­paslang habang ma­lubha naman ang kan­yang anak na babae ma­karaang tamba­ngan ng mga ‘di-kila­lang kala­lakihan ang mga biktima sa bahagi ng Barangay Lutucan Malabag sa bayan ng Sariaya, Que­zon ka­ma­kalawa.

Walong bala ng baril ang tumapos sa buhay ni Fausto “Bert” Sison, 58, brodkaster (block­timer) ng dzAT sa Lu­cena City, correspondent ng Eyewatch News­paper at resi­dente ng Barangay Guisguis.

Malubha naman si Liwayway Andaya, 30, na nagtamo ng dala­wang tama ng bala sa likuran at braso, ha­bang nakaligtas na­man ang isa pang anak ni Fausto na si Almira Pangani­ban, 24, mata­pos mag­kunwaring patay.

Sa pahayag ni P/Chief Inspector Laude­mer Llaneta, police chief sa nabanggit na bayan, papauwi na ang mag-aama sakay ng kulay asul na Toyota Corolla (PEU 887) nang hara­ngin at rat­ratin ng dala­wang ‘di-pa kilalang la­laki na sakay ng motor­siklo.

Nang bumangga sa puno ng niyog ang sa­sakyan ng mga biktima ay nilapitan pa at mu­ling pinagbabaril.

Nagawa pang iha­rang  ng  brodkaster ang kan­yang katawan upang saluhin ang bala para sa kanyang dalawang anak.

Nagkunwang patay naman si Almira ha­bang nakatakbo pala­bas ng kotse si Liwayway subalit si­nundan at pinagba­baril ng isa sa killer. Inaalam ng pu­lisya kung may ka­ug­nayan sa tra­baho ng mga biktima ang na­ga­nap na krimen. Dagdag ulat ni Joy Cantos