Lolo namatay sa ere

Isang 72-anyos na lolo ang biglang nangisay at na­ matay sa loob ng isang  ero­plano habang nagbibi­yahe patungo sa  Manila Domestic Airport Terminal galing Palawan kahapon ng umaga.

Idineklarang dead-on-arrival sa Manila Domestic Airport Medical Clinic ang bik­tima na si Loreto Casas, tu­bong Bulacan.

Sa inisyal na report ng mga awtoridad, pasado alas-9 ng umaga habang nasa himpapawid ang Sea Air mula Palawan sakay ang bik­tima at iba pang mga pasa­hero nang bigla na lamang manikip ang dibdib ng ma­tanda.

Agad namang nilapitan ng mga airplane crew ang na­sabing lolo para lapatan ng ka­ukulang first aid subalit hindi na ito humihinga.

Nang dumating sa nasa­bing paliparan ang biktima dakong alas-9:45 ng umaga ay agad itong dinala sa na­turang medical clinic subalit idineklara itong patay.  (Ellen Fernando)