Caretaker ng simbahan niratrat

CAMARINES NORTE  – Walang buhay na bumu­lagta ang isang 58-anyos na lalaki na tumatayong caretaker ng isang  simba­han makaraang pagbaba­rilin ng tatlong lalakeng hinihinalang mga miyembro ng New People’s Army sa Purok 4 Sitio Kilometer Zero, Brgy San Isidro sa bayan ng San Lorenzo Ruiz kamakalawa ng umaga.

Ang biktima ay kinila­lang si Nelson Naz, kati­wala ng simbahan at school nursery ng San Lorenzo Ruiz. Nag­tamo ito ng tama ng bala sa iba’t ibang ba­hagi ng kata­wan buhat sa M16 armalite rifle.

Naglalakad patungo sa kanyang maliit na fishpond  ang biktima nang pagba­barilin ng mga suspek  ban­dang alas-9:30 ng umaga.

Lumalabas sa inisyal na imbestigasyon na matagal nang pinagbabantaan ng NPA ang biktima. (Francis Elevado)