Pulis tinodas sa koprahan

Napaslang ang isang alagad ng batas makaraang pagbabarilin ng tatlong mag-uutol sa harapan ng bodega ng koprahan sa Km 2, Barangay Kajatian, Indanba, Sulu kamakalawa.

Nakilala ang napaslang na si PO1 Julman Aradji Habibullah ng 1515th Provincial Mobile Group ng Tawi-Tawi Provincial Police Office. Tugis naman ng pulisya ang mga suspek na pinangunahan ni Liso Idlana.

Sa ulat na nakarating sa Camp Crame, naganap ang insidente dakong alas-10:45 ng umaga sa plantasyon ng kopra ng kaanak ni PO1 Habibullah.

Nabatid na nakatayo sa tapat ng bodega ng koprahan ang biktima nang dumating at isagawa ang krimen ng mag-uutol. (Danilo Garcia)