Bebot kinatay
Ayon sa report ni Olongapo City Police Director Police Senior Supt. Abelardo Villacorta, nakuha ang iba’t ibang bahagi ng katawan ng isang babae sa likod ng Pagasa market dakong alas-3 kamakalawa.
Sinabi niya na isang putol na kanang kamay, isang breast (suso) ng babae at iba’t ibang internal organ ang narekober sa isang basurahan na nakasilid sa isang itim na garbage bag na nakita umano ng isang basurero.
Saad pa nito nasa advance decomposition na ang mga bahagi ng katawan at amoy formalin.
Unang hinala ng mga awtoridad ay maari umano itong ginamit ng mga istudyante para sa pag aaral ngunit ‘di pa matukoy kung sino at bakit itinapon lamang sa basurahan ang naturang mga bahagi ng katawan na tao. (Alex Galang)
- Latest
- Trending
