14 guro sugatan sa sakuna

CAMP VICENTE LIM, Laguna – Labing-apat na guro na nakatakda sanang dumalo sa management seminar at Palarong Pam­bansa sa Palawan ang iniulat na nasaktan maka­raang mahulog ang kani­lang sina­sakyan bus sa kanal sa Ba­rangay Tinitian sa bayan ng Roxas noong Martes ng madaling-araw. Kabilang sa mga biktimang naisugod sa Coop Hospital sa Puerto Princesa ay sina Norlita Bulaklak, Jertrudes Malaba­nan, Maria Rosadel Quibal, Orly Esguerra, Magai Peras, Orlinda Ma­calintal na pa­wang nani­nirahan sa Ba­tangas; Dindo Asibuque ng Puerto Princesa; Jocelyn Dela Cruz ng Manila; Ligaya Silang ng San Pedro, Laguna; Elsie Atienza, Tess Valdez, Seve­rina Ramos, Rufino Castillo, Antonio Ilagan at ang kon­duktor ng bus. Sa ulat na nakarating kay P/Chief Supt. Luisito Palmera, Region 4-B police chief, lulan ng Sweety Bus Lines (DWU-125) ang mga biktima patungo ng El Nido mula Puerto Princesa City nang maaksidente sa ban­dang alas-3 ng mada­ling-araw. Lumilitaw sa inisyal na imbestigasyon, posibleng nakaidlip ang driver na si Roger Rapilla ha­bang nag­ma­maneho hang­gang sa mahu­log sa kanal. Arnell Ozaeta