Masaklap na kamatayan ang sinapit ng isang mister sa kamay ng sariling misis makaraang pagpapaluin ng bakal ay tinusok pa sa ulo ang una habang ito ay natutulog sa kanilang bahay sa Barangay Quimmarayan, Santo Domingo, Ilocos Sur kamakalawa ng gabi.
Hindi na nagising sa pagkakatulog ang magsasakang si Leonardo Pimienta, 43, habang sumuko naman sa pulisya ang suspek na si Flordeliza Soliven Pimienta, 41, tubong Santo Tomas, La Union.
Sa ulat na nakarating sa Camp Crame, umabot na sa sukdulan ang pagtitiis sa araw-gabing kalbaryo sa panggugulpi ng biktima sa suspek kaya gumanti ito habang natutulog.
Bago ang insidente ay ginulpi pa ng mister ang kanyang misis at sa sobrang pagod ay nakatulog ang biktima.
Nanaog naman ang babae sa kanilang tahanan at kumuha ng putol na tubong matulis na ginamit nito sa pamamaslang sa sariling mister.