4 dedo sa steel truss

Trahedya ang sumalu­bong sa apat na mangga­gawa na kaagad na kinarit ni kamatayan habang anim na iba pa ang nasu­ga­tan makaraang ma­bag­sa­kan ng steel truss na ka­nilang itinatayo sa West Cebu Industrial Park sa Barangay Buanoy, Balam­ban, Cebu kamakalawa.

Kabilang sa mga bik­timang idineklarang patay sa Balamban District Hospital ay sina Arthur Su­bing-Subing, 30; Rivera Se­ludono Jr., 46; Israel Tor­selias, 39; at Dindin Ro­meo.

Lima sa anim na nasu­gatan ay sina Francisco Imedio, 26; Narciso Ruiz, 32; Gerome Tuline, 25; Danilo Capangpangan, 42 at si Ruel Arcillias, na pawang mga trabahador ng Metaphil, na guma­gawa ng hull-fabrication sa gusali ng Tsuneishi Heavy Industries (Cebu) Inc., isang kompanya ng shipbuilding sa Balamban.

Ayon kay PO2 Ceasar Climaco, ang mga nasa­wing biktima ay nasa iba­baw ng 30 metrong taas ng steel truss nang bumi­gay at tuluyang bumag­sak.

Sa pahayag ni Leo Sa­lubre, environment manager ng Tsuneishi “maki­ki­pagtulungan naman kami sa Metaphil para mabig­yan ng tulong ang mga na­sawi at sugatang biktima.”

Patuloy naman ang im­bestigasyon upang maba­tid kung sumunod ang kum­panya sa ipinaiiral na safety requirements. (Danilo Garcia at Garry Lao)