Magkapatid nagpatayan

CAMP SIMEON OLA, Legazpi City – Pinani­niwa­laang matinding alitan kaya pinaslang ang mag-utol na lalaki sa naganap na magkahiwalay na karahasan sa Albay at Camarines Sur, kama­kalawa.

Base sa ulat ng pulisya, si Generoso Mila­pres, 43, mag­sasaka, ay sina­kal hanggang sa ma­patay ng kanyang utol na si Ely Milapres, 59, dahil sa ma­tinding alitang naganap sa loob ng kanilang tahanan sa Ba­rangay Muladbucad Pe­quena, Guinobatan, Albay.

Tugis naman ng pulisya ang sus­pek na bulag. Saman­tala, si Joel Marcial, 27, ay pinag­tataga na­man hang­gang sa mapatay ng sariling utol na si Narciso Marcial, 25, sa Barangay Panagan, Tigaon, Camarines Sur kama­ka­lawa.

Napag-alamang nainsulto ang suspek sa tinuran ng kanyang bun­song utol na maghanap ng trabaho imbes na mag­lasing. Kaya kumuha ng itak at pinag­tataga ang sariling kapatid. (Ed Casulla)