CAMP SIMEON OLA, Legazpi City — Nauwi sa trahedya ang mayasang picnic ng magkakamag-anak makaraang malunod habang naliligo ang mag-uutol na bata sa isang beach resort sa Barangay Buhang, Bulusan, Sorsogon kamakalawa ng umaga.
Kabilang sa mga biktimang namatay ay sina Judilyn Fontelar, 13; Clarise Fontelar, 9; at si Mark Fontelar, 7, pawang mga residente ng Barangay Panghaluban, Barcelona, Sorsogon.
Sa ulat ng nakarating sa Kampo Simeon Ola, naitala ang insidente ganap na alas-8 ng umaga habang ang tatlong magkakapatid ay magkakasamang lumusong sa tubig dagat.
At hindi napansin ng mga magulang at ilang kamag-anak. Laking gulat na lamang nang mamataang lumutang ang tatlo sa baybaying dagat kaya ay kaagad na sinaklolohan subalit hindi na naisalba pa ang buhay. (Ed Casulla)