Pulis binoga ng hitch-hiker
Sabog ang bungo ng isang intelligence officer ng pulisya matapos itong pagbabarilin ng hindi pa nakilalang armadong lalaki na nakisakay pa sa behikulo nito sa highway ng Barangay Bantacan, New Bataan, Compostella Valley nitong Huwebes ng hapon.
Agad binawian ng buhay sa tinamong dalawang tama ng bala sa ulo ang biktimang si SPO1 Ciriaco Cubelo, 49, Intelligence officer na nakatalaga sa nasabing lalawigan.
Minamaneho ng biktima ang kaniyang multicab na may plakang LVS-126 nang pagsapit sa Brgy. Bantacan ay nakisakay sa kanya ang salarin.
Gayunman, biglang pinaputukan ng salarin gamit ang kaniyang cal. 45 pistol ang biktima na duguang bumulagta matapos masapul ng dalawang tama ng bala sa ulo.
Ang salarin ay mabilis na tumakas na namataang sumakay sa get away motorcycle na isang kulay itim na TMX Honda na walang plaka sa Barangay Magsaysay.
- Latest
- Trending
