Tatlong bata ang iniulat na nawawala at pinangangambahang nasawi sa trahedya makaraang lumubog ang sinasakyan nilang bangka habang naglalayag sa Apayao River sa Flora, Apayao nitong Biyernes ng gabi.
Kinilala ang mga pinaghahanap na mga paslit na sina Fernan Ayson, 2; Jon-jon Ayson, 9; at isang tinukoy lamang sa palayaw na Mac-Mac, 12; pawang residente ng Poblacion 2 ng nasabing bayan.
Nailigtas naman ng mga rescuer sa insidente sina Marivic Ayson, 35 at isang 2-anyos pang batang lalaki.
Batay sa report, patungo ang mga biktima sa taniman ng kalabasa nang aksidenteng tumagilid ang kanilang bangka hanggang sa lumubog. (Joy Cantos)