4 bahay inararo ng trak: 3 utas

CAMARINES NORTE —  Tatlong sibilyan ang iniulat na nasawi habang walong iba pa ang nasugatan maka­raang araruhin ng truck ang apat na kabahayan, tindahan at shade house sa Purok 3, Sitio Mineral, Barangay Talobatid sa bayan ng Labo, Camarines Norte kama­kalawa ng tanghali.

Kinilala ng pulisya ang mga namatay na sina Erwin Samonte, Amparo Salvador at si Herminia Espina.

Kabilang sa mga bikti­mang ginagamot sa Cama­rines Norte Provincial Hospital ay sina Joeffrey Absalon, Luis Cruz, Eugene Lagasan, Jocelyn Magana, Shiena Marie, Cedric, Gregorio Elea­zar, Jeric Gadil, at si Ray­mong Espina.

Himala namang naka­ligtas ang apat na buwang sanggol na si John Mel Dizon na natutulog sa likod ng tindahan.

May teorya ang pulisya na nakatulog ang drayber ng truck (RES397) na pag-aari ng GBI Trucking Services sa Quezon City at patungo sana sa bayan ng Daet mula sa Maynila.

Samantala, ayon kay P/Senior Insp. Nelson Ricerra, chief of police, bumaligtad naman ang payloader ni Jose Villafranca matapos tumulong sa pagbubuhat ng trak na sangkot sa sakuna.

Ayon naman sa mga re­sidente, ang kawalan ng warning sign sa gilid ng Maharlika Highway ang isa sa dahilan ng sakuna.