2 suspek sa holdap timbog

BULACAN – Dalawang lalaki na pinaniniwalaang notoryus na mga holdaper ang nasakote ng pulisya sa kahabaan ng MacArthur Highway sa Barangay Pandayan, Meycauayan City, Bulacan noong Martes ng gabi.

Pormal naman kinasuhan ang mga suspek na sina Ronnie Culianan y Kito, 22, ng Barangay Ubihan at Alvin Chico, 32, ng Barangay Pandaya.

Ayon kay P/Supt. Demosthenes Felix, hepe ng Meycauayan City police, nasita ang dalawa sa checkpoint dahil sa walang helmet habang sakay ng motorsiklo (XM-4999).

Sa pag-uusisa ng pulisya habang sakay ng motorsiklo, lumilitaw na nakumpiskahan pa ito ng dalawang baril na walang kaukulang papeles.

Lumilitaw pa sa ulat ng pulisya na positibo rin itinuro ng mga biktima ng holdap ang mga suspek na ngayon ay nakapiit. (Dino Balabo)