Kabesa kinatay ng Cafgu

ORMOC CITY, Leyte —  Brutal na kamatayan ang sinapit ng isang 57-anyos na barangay chairman ma­kara­ang ratratin at pagta­tagain ng isang kasapi ng Citizen Auxiliary Geogra­phical Force Unit sa Ba­rangay Hiluctogan sa Ormoc City, Leyte noong Biyernes ng umaga.

Kinilala ni SPO4 Pio Piña­flor ang biktima na si Rodrigo Grana y Villote, 57, chairman ng nabanggit na barangay. Samantala, su­muko naman sa pulisya ang suspek na si Floro Apura y Morales, 56, naka­talaga sa pagmimintine ng kapa­li­giran ng Phil. Oil Com­pany sa Barangay To­ngonan.

Sa ulat ni PO2 Eutemio Baillo, lumilitaw na inimbes­ti­gahan ng biktima ang suspek kaugnay sa reklamo ng isang 11-anyos na mag-aaral na hinalikan ng huli.

Dahil sa bahay ng sus­pek ginawa ang imbestigas­yon at hindi sa barangay hall ay nag­tanim ng galit ang una laban sa biktima

Ayon sa ilang  nakasaksi sa krimen, hindi pa nakun­tento ang suspek sa gina­wang pamamaril sa biktima bagkus ay pinagtataga pa ito matapos na magka­sa­lubong ang da­lawa sa barangay proper.

Habang iniimbestigahan ng pulisya, inamin ng suspek ang krimen dahil na­insulto raw siya sa ginawa ng biktima na mis­mong sa bahay niya isinagawa ang imbestigasyon.

Naging pabor naman ang ilang opisyal ng ba­rangay sa ginawa ng ka­nilang chairman dahil mas lalong kahiya-hiya ang aabutin ng suspek kung sa barangay hall iimbestiga­han ang reklamo laban sa kanya. (Roberto Dejon)