Abogado tiklo sa pangingikil

Ipinagpalit ng isang abo­gado ang kanyang propesyon sa halagang P50,000 maka­raang masakote sa entrap­ment operation ng mga tau­han ng National Bureau of Investigation dahil sa pango­ngotong sa isang opisyal ng pulisya sa bayan ng Maba­lacat, Pampanga may ilang araw na ang nakalipas.

Pormal na sasampahan ng kaukulang kaso ang suspek na si Atty. Amado Gazmin, may ranggong kapitan sa pulisya at legal officer sa Regional Police Legal Service, Camp Olivas, San Fernando City Pampanga.

Sa imbestigasyon ng pang­kat ng Background Investigation Division sa pamu­muno ni Head Agent Arnold Lazaro, dinismis sa serbisyo si PO2 Louiesito Luna Pring dahil sa  kasong absence without official leave (AWOL).

Ayon sa NBI, nag motion for reconsideration si Pring sa Regional Police Legal Service subalit hiningan ito  ni Atty. Gazmin ng P50,000 kapalit ng reinstatement sa serbisyo.

Bunsod nito’y, nagsum­bong si Pring sa NBI Central Luzon Regional Office (CELRO) kaya ipinagplanuhan ang entrapment operations.

Sa loob ng fastfood chain sa Dau, Mabalacat inaresto si Atty. Gazmin matapos maak­tuhang inaabot ni Pring ang marked money na nakalagay sa envelop.

Si Atty. Gazmin ay kasalu­kuyang nakadetine sa NBI detention cell matapos na sam­pahan ng kaso sa Department of Justice Task Force on Special Cases dahil sa paglabag sa Republic Act 3019 (Anti-Graft and Corrupt Practises Act) at Article 210 (Direct Bribery). (Grace dela Cruz)