‘Terror alert’ itinaas sa Mindanao

Isinailalim sa terror alert ang buong puwersa ng pu­lisya sa rehiyon ng Min­danao kabilang ang Autonomous Region in Muslim Mindanao (ARMM) kaugnay ng banta ng gru­pong kidnap-for-ransom laban sa mga dayuhan ka­bilang ang US troops at bombing.

Ayon kay P/Chief Supt. Joel Goltiao, ARMM police director, nakaalerto na ang kani­yang mga tauhan sa pakiki­pagtu­lungan sa pu­wersa ng militar laban sa banta ng mga ban­didong Abu Sayyaf Group muling maghahasik ng tero­rismo sa katimugang bahagi ng bansa.

Sinabi ni Goltiao na naka­katanggap ang pulisya ng intelligence reports hinggil sa planong pag-atake ng mga teroristang Abu Sayyaf.

Ang babala ay isiniwalat ni PNP Chief Director Ave­lino Razon Jr., base sa ulat ng Na­tional Intelligence Coordinating Agency (NICA) hinggil sa mataas na banta ng terorismo ngayong Dis­yembre sa mga kritikal na lugar sa rehiyon ng Minda­nao.

Naniniwala naman si Gol­tiao na hindi maka­ pag­sasa­ga­wa ng pag-atake ang mga ban­didong Abu Sayyaf kung walang da­yuhang or­ga­nisas­yon ang magpo­pondo sa mga ito.

Sa kasalukuyan ay patu­loy rin ang crackdown operation ng tropa ng militar laban sa dalawang Jemaah Isla­mi­yah (JI) terrorist na sina Dul­matin at Omar Patek  na kina­kanlong ng Abu Sayyaf sa Sulu.

Nabatid na si Dulmatin, ay may patong na $10-milyon at si Patek naman ay $1-milyon na kapwa mastermind sa Bali bombing sa Indonesia na ku­mitil ng 200-katao habang ma­rami pa ang nasugatan noong Oktubre 12, 2002. Joy Cantos