5 minero dedo sa tunnel

CAMP CRAME – Li­mang minero ang  napaulat na nasawi makaraang ma-trap sa gumuhong mi­nahan sa Barangay Mag­saysay sa bayan ng Placer, Surigao del Sur kama­kalawa. Sa ulat ni Director Blanche Gobenciong, regional director ng Office of Civil Defense-CARAGA. Kabilang sa mga namatay na pa­wang nababalutan ng putik ay sina Diosdado Libroso, Malinci Macas at Rodolfo Toyor, habang ang dalawa ay  nanatiling  nasa  ilalim ng tunnel na gumuho at patuloy ang retrieval operations.

Sinabi ng opisyal na ang pagguho ng mina­han na pag-aari ng Manila Mining Corp ay bunsod ng patuloy na ulan simula pa noong Sabado. Kaugnay nito, pinag-iingat naman ang mga residente sa tina­guriang ‘landslide prone areas’ upang maiwasan ang panganib. (Joy Cantos)