P20M kemikal ng shabu nasamsam

RIZAL – Umaabot sa P20 milyong ng kemikal sa pag­gawa ng shabu ang nasam­sam ng pulisya ma­karaang salakayin ang malaking bo­dega na pag-aari ng isang Tsino sa Ba­rangay San Jose sa bayan ng Rodriguez, Rizal.

Sa bisa ng search warrant na inisyu ni Judge Apollo Mantala ng Rodri­guez Municipal Trial Court, sinalakay ng pinagsanib na puwersa ng Philippine Drug Enforcement Agency at Rizal Mobile Group ang bodega na pag-aari ng isang Tsino na si Jhon Ang, 45, at kasosyo nitong Pinoy na si Alex Carolina Gozon, alyas “Erick Alarin” 35.

Nakumpiska mula sa bodega ang 20 kahon ng chemical, 20 kaldero, mga plastic container na ki­na­lalagyan ng puting powder, rolyo ng hose, gas­mask, 55 bote na kemikal,  tools, tim­ba­ngan na digital at ilang ma­la­laking kalan na sina­sabing ga­mit din sa paggawa ng shabu.

Nabatid pa na bago ang nasabing raid ay mahigit isang buwan ding sinu­baybayan ng pulisya ang nasabing lugar at nang makumpirma na paga­waan nga ito ng shabu ay agad na nagsagawa ng plano upang salakayin.

Tugis naman ng mga awtoridad ang dalawang suspek na nagmamantine ng bodega ng shabu. Edwin Balasa