Suspek sa pastor’s slay sumuko

KIDAPAWAN  CITY – Isi­nam­pa na kahapon ang ka­song homicide laban sa sus­pek na si Ronnie Insing Arong, na iti­nuturong pangunahing puma­tay sa ministro ng Jesus is Lord Movement na si Martin Am­bong. Ayon sa ulat ng pulisya, si Arong na miyembro rin ng na­sa­bing religious group ay ikinanta ng ilang nakasaksi sa krimen. Sa resolution ng Kida­pawan City Prosecution Office na pirmado ni Prosecution Attorney Christine Jan Pueyo, may probable cause para isampa sa korte ang kasong homicide laban kay Arong na inaprubahan naman ni Prosecutor Al Calica. Sa tala ng pulisya, pinatay si Pastor Am­bong noong Huwe­bes ng gabi sa loob mismo ng ba­hay ng JIL sa Sitio Lapan, Ba­rangay Perez sa Kidapawan City. Nakita na lamang ang kan­yang bangkay noong Biyernes ng umaga na may mga saksak sa iba’t ibang bahagi ng kata­wan. Bolun­taryo namang sumu­ko sa Kidapawan City PNP, ang suspek dalawang araw maka­raan ang pagpatay na pina­nini­walaang nakonsi­yensya sa gi­nawang krimen. Malu Cadelina Manar