Misis, biyenan inatado ng mister

CAMP CRAME – Isang 24-anyos na balik­bayang overseas Filipino worker (OFW) na misis at matandang ina nito, ang iniulat na nasa kritikal na kalagayan matapos na pagsasaksakin ng mister nang tumangging maki­pag-sex ang una kama­ka­lawa ng gabi sa Pana­bo City, Davao del Norte.

Batay sa ulat, patuloy na isinasalba ang buhay ng mga biktimang itinago sa mga pangalang Lorna at Aling Linda na nag­tamo ng mga saksak sa iba’t ibang bahagi ng katawan at nakiusap ang pamilya ng mga biktima sa pulisya na huwag tu­kuyin ang kanilang mga pangalan dahilan sa ma­laking is­kandalo at kahi­hiyan sa kanilang lugar.

Sa imbestigasyon, na­ganap ang insidente pa­sado alas – 8 ng gabi sa tahanan ng mag-asa­wa sa Barangay Ma­duaw, Panabo City.

Ayon sa pulisya, du­ma­ting ang biktimang OFW noong Oktubre 15, mula sa Jordan kung saan nagtatrabaho ito bilang domestic helper.

Kamakalawa ng gabi ay  hiniling ng suspect  na itinago sa pangalang Al­berto sa pinananabi­kang asawa na  makipag­talik dito, pero ito’y ti­nang­gihan dahil nakikipag­kwentuhan pa ang bik­tima sa kan­yang ina na bumisita sa kanilang ta­hanan para kumustahin ang anak.

Dahil sa sobrang galit ni mister, kumuha ito ng kutsilyo at pinagsasaksak ang kanyang asawa kung saan ay idinamay pati ang kaniyang biyenang ba­bae. 

Pinaghahanap na ngayon ng pulisya ang tumakas na suspek ha­bang patuloy ang imbes­tigasyon. Joy Cantos