Lola niratrat, patay

KIDAPAWAN CITY — Tugis ngayon ng mga tauhan ng pulisya ang pangunahing suspek sa pagpatay sa isang 51-anyos na lola sa Barangay Gubatan, Magpet, North Cotabato noong Biyernes ng gabi. Lupa ang sina­sabing dahilan kaya pinaslang ang biktimang katutubo na nakilala lamang sa apel­yidong Ahao ng nabanggit na barangay. Lumitaw na pinasok ang bahay ng biktima ng suspek na si Paggo Cristobal at dahil tumanggi ang matanda na ibigay ang titulo ng lupa ay isinagawa ang brutal na krimen. Kaagad naman naipagbigay-alam ng mga kaanak ng biktima sa kinauukulan ang krimen, nang puntahan ang bahay ng suspek, nakatakas na ito, ayon kay P/Insp. Jerson Birrey, hepe ng Magpet PNP. Ipinag-utos naman ni Magpet Mayor Efren Piñol Sr., ang malawakang manhunt operation laban kay Cris­tobal.  (Malu Cadelina Manar)